Versu 50, u versu naturale, u versu di i Chjami Aghjalesi è stu cinquantesimu anniversariu chì s’avvicina…
Per appruntà l’evenimentu è cusì rende omagiu à u gruppu, una decina di giovani artisti seranu à fiancu à elli, « cumpari artisti », più cunfirmati seranu dinù mossi per interpretà canzone di i Chjami à modu soiu, rispettendu l’uriginale o micca !
Un eserciziu propiu difficiule chì u soiu u ripertoriu hè riccu di 50 anni di «tubes» ! E per compiela bella, a prestazione serà ghjudicata in vivu da i Chjami storichi prisenti in scena, l’incontru prumette di fà e calisgine trà e duie leve d’artisti.
Una serata colma à surprese, chì turnerà à accertà siamune siguri u rollu tamantu ch’ellu hà u gruppu nant’à a scena isulana è l’impronta maiò ver di e generazione d’oghje.
