S’avvicina a rientrata è cun ella, u piacè di ritruvà stu locu puntellu di a lingua è di a cultura corsa in Bastia. Apre e so porte a Casa di e Lingue per favvi scopre l’associ chì ci facenu campà stu locu di scambiu, di trasmissione è di spartera. Canopé Corsica, a Fundazione di u Patrimoniu, l’offerta nova di Praticalingua Bastia è a prugrammazione à vene di u serviziu.
Per accumpagnà sta stonda cunviviale : u gruppu Spartera venerà à prisentà u so primu dischettu Purtà u Cantu. Nomi di gruppu è di dischettu chì parenu scelti appostu per sta serata.
