Per a prima volta in Corsica, u cuncorsu aurupeu di e lingue minuritarie. Vutate pè u vostru artistu preferitu!
Bastia accoglie a 14a edizione di u Liet International, u cuncorsu aurupeu di canzone in lingue minuritarie apertu à artisti chì si sprìmenu inde una lingua regiunale o minuritaria aurupea. A Cità di Bastia si ralegra d’accoglie l’edizione 2024, in Corsica per a prima volta, in partenariatu cù a Cullettività di Corsica è France 3 Corse ViaStella, in càrica di a diffusione in diretta di u spetàculu. In u 2024, 13 artisti seranu invitati per prudùcesi nantu à a scena di u Centru Culturale Alb’oru. Hè Doria Ousset è u so gruppu ch’anu vintu l’ùltima edizione in Tønder (Danemark) in 2022.
