Presenta a so òpera « Ernaghji Arnaghji » Jean-Louis Santini.
L’autore è passiunatu di patrimoniu campagnolu è face u ricensu di e custruzzione vechje fatte à petre chì piattanu e so bugne chjamate « ernaghji ». Restituisce una pràtica scunnisciuta : fà entre bugne nù i muri di bastimenti diversi. Si parlerà allora di tippulugia è di tupunimia incù testimunianze di quelli chì anu cunnisciutu sta tradizione in quelli tempi landani è scurdati di a nostra cultura.
