Cunferenza | U riacquistu di a Terra di u Cumunu

Oghje ghjornu, a terra di u cumunu ùn esiste più. L’accessu à a terra per quelli chì a volenu travaglià hè cumplicatu. Rifà di a Corsica un giardinu hè l’ogettivu di « Terra di u Cumunu », una nuvella urganizazione in Corsica per ch’ella s’arresti a speculazione agrìcula è ch’elli si possinu stallà novi agricultori per travaglià di modu rispunsevule.